Убава вест за сите љубители на серијалот книги за деца „Кити“ од авторката Пола Харисон! Во издание на „Либи“, дел од „Арс Ламина – публикации“, деновиве од печат излезе новата книга „Кити и ѕвездената песна“. Kити е шармантното девојче со супермоќ како мачка, кое тргнува во необични авантури. Семејството на Кити е посебно – мајка ѝ е суперхерој и Кити знае дека еден ден и таа ќе ги искористи своите супермоќи и исто така ќе стане херој. Книгите се со препознатливите илустрации од Jени Ловли.
Во новата книга Кити се подготвува за настап на училишниот концерт. Како некој што вежба да стане суперхерој со мачји супермоќи, Кити успева да прави многу чудесни нешта. Но, како обично девојче, таа има огромна трема да запее пред целото училиште. Згора на тоа, Фигаро успева да се повреди за време на една бркотница, па плановите за неговата роденденска забава се уништени. На Кити ѝ е потребна помош од нејзиниот пррр-екрасен мачји екипаж за да го спасат роденденот на Фигаро и за да ја надмине тремата пред нејзиниот настап на концертот.
„Кити и ѕвездената песна“ е осма книга од серијалот на македонски јазик, во издание на „Либи“. Досега, младите читатели можеа да уживаат во „Кити и Златниот тигар“, „Кити и спасувањето на месечевата светлина“, „Кити и бркотницата низ крошните на дрвјата“, „Кити и големата парада со фенерите“, „Кити и авантурата во небесната градина“, „Кити и самрачната неволја“ и „Кити и грабнатото милениче“. Која е вашата омилена книга со Кити?
Да се потсетиме на содржините на претходните седум изданија, кои се достапни во сите книжарници на „Литература.мк“.
Во „Кити и самрачната неволја“ Кити со нетрпение ја очекува посетата на панаѓурот со своето семејство и нејзиниот мачји екипаж. Но, Пикси се спријателува со друга мачка и веќе не си игра со Кити. Таа повеќе сака да игра суперхерои со Нела, новата пријателка. Но, проблемот е дека тие две повеќе се однесуваат како суперзлосторници отколку суперхерои! За кусо време и двете ќе се најдат во неволја на врвот на рингишпилот, но само вистински суперхерој може да ја спаси ситуацијата...
https://literatura.mk/BookDetails.aspx?Pr=14722
Во „Кити и грабнатото милениче“ еден викенд Кити треба да го причува миленичето на нејзината другарка, ’рчкото Марвин. Но, се случи катастрофа − тој е киднапиран! Кити мора да ја следи трагата на киднаперот и го врати Марвин во неговиот дом жив и здрав, пред да си замине ноќта. Време е за нашата суперхеројка Кити да ја спаси ситуацијата!
https://literatura.mk/BookDetails.aspx?Pr=14723
Кити, Тиквичко и Пикси откриваат тајна небесна градина на градскиот покрив во книгата „Кити и авантурата во небесната градина“. Тоа е чудесно место, полно со егзотични растенија и прекрасни украси. Пикси е многу возбудена и сака да му каже на светот околу неа за градината, но колку повеќе мачки дознаваат за градината толку подиви стануваат. Кити мора да ја спасува градината и нејзината убавина од оние што се чини дека имаат намера да ја уништат.
https://literatura.mk/BookDetails.aspx?Pr=14512
„Кити и големата парада со фенерите“ – Кити и другите ученици од нејзиното одделение учествуваат на парадата на фенери во градот. Сјајните светилки и светкавите фенери изгледаат мошне убаво во ноќта. Но, се појавува крадец, кој, движејќи се низ толпата луѓе, краде сè што блеска... Почнува трка со времето! Дали Кити ќе успее да го фати крадецот и да ги врати украдените предмети пред да заврши парадата со фенери?
https://literatura.mk/BookDetails.aspx?Pr=14513
„Кити и бркотницата низ крошните на дрвјата“ – стекнувањето пријатели може да биде тешко ако се чувствуваш различно од другите. За среќа, мајка ѝ на Кити организираше средба на која Кити го сретна малото момче, кое исто така има супермоќи. Но, тоа што делиш супермоќи со некој не значи дека треба веднаш да се спријателиш со него. На пријателството треба да се работи и во овој случај херојската тимска работа и магичната полноќна забава ги спојува Кити и нејзиниот нов пријател.
https://literatura.mk/BookDetails.aspx?Pr=14514
Приказната во „Кити и спасувањето на месечевата светлина“ почнува да се заплеткува кога мачорот Фигаро ќе дојде до прозорецот од нејзината соба да ја замоли за помош. Но, светот ноќе е опасно место – дали Кити е доволно храбра да излезе во мракот и да се впушти во возбудлива ноќна авантура?
https://literatura.mk/BookDetails.aspx?Pr=13683
Во приказната „Кити и Златниот тигар“ Кити е нетрпелива да го посети музејот и да ја види скапоцената статуа на Златниот тигар со свои очи. Легендата вели дека статуата може да му ги исполни желбите на оној што ја поседува… Кити тргнува во авантура, бидејќи сака да му ја покаже статуата на Тиквичко, додека нема никој во музејот. Но, доаѓа до недоразбирање кога статуата ќе биде украдена, а Кити обвинета за криминал. Дали Кити ќе успее да го разјасни недоразбирањето, да го открие виновникот и да ја врати назад скапоцената статуа пред да изгрее сонцето?
https://literatura.mk/BookDetails.aspx?Pr=13684
Книгите од серијалот за Кити можете да ги најдете во сите книжарници на „Литература.мк“ или да ги нарачате онлајн на следниот линк:
