Архитектура на личноста

„Да мислиш дека си некој е глупост, да се изгради личност е моќ.“ Личноста е богатство коешто е вградено во нас. Тоа е ретко богатство кое само малкумина имаат трпение да го усвојат, тоа е нешто што некои го поседуваат но имаат слабост да го изгубат кога паѓаат во искушение од животот да се обликуваат според заедничкото стадо. Личноста е благороден квалитет, бидејќи за да постои кај сите таа бара огромни напори за самоконтрола, големо саможртвување пред другите. Изберете ја вашата личност и правиот пат за да ја постигнете. Не користете го најкусиот пат каде што има премногу препреки кои треба да се надминат. Изберете добар водич за вашиот начин, за моќта на волјата, и добро јако јаже за да ве држи исправен и на работ од провалиите на обесхрабрувањето, тагата и очајот – во истрајноста. Сакајте да бидете во друштво, проширувајте ги вашите врски. Човек никогаш не може да успее сам. Најдете добра поддршка и изградете ја вашата личност на веќе постоечка личност. Обидете се да извлечете нешто добро од вашите лични достигнувања. Немојте да бидете совладани од можен неуспех. Живејте стоички на границите на ветената земја и покрај револтите и неверувањето кои мрморат во вас. Бидете како добар морнар. Тој многу добро го знае морето и никогаш не се обесхрабрува од неговите каприциозни досетки. Чекајте спокојно во барот сѐ додека маглата што го покрива вашиот хоризонт не се крене и не пропуштајте да управувате правилно.