Секоја година издавачката куќа „Арс Ламина“ ги избира десетте најпродавани книги што го предизвикале вниманието со нивните неверојатни пораки, интересни приказни и исклучителна важност за нашето живеење. Селекцијата ги опфаќа сите жанрови, книжевни класици, бестселери, инспиративни книги за самопомош и друго.
Марк Менсон втора година по ред е најпродаван автор во издавачката куќа „Арс ламина“. Минатата година со книгата „Е, баш ме заболе“, а во 2021-та со контраинтуитивниот водич за проблемите со надежта – „Сè е заебано“. Со неговата препознатлива комбинација од ерудиција и хумор, Менсон нè предизвикува да бидеме почесни кон себеси, отворено спротивставувајќи се на нашите дефиниции на верата, среќата, слободата – дури и на надежта.
„Зен – уметноста на едноставното живеење“ е на второто место најпродавани книги за возрасни. Во неа познатиот будистички свештеник Шунмио Масуно евоцира мудрост стара со векови за да покаже како да ја применуваме суштината на зен-будизмот во модерното живеење.
Следна е „Торонто експрес“ од Зоран Спасов-Ѕоф, документаристичка стрип-проза; еден вид фото-нарација со блиц, зум и слободен кадар и фокус; „водич за идните печалбари и тазе имигранти“, како што вели самиот автор, или литерарен прирачник за заминување, но и за враќање од Канада. Духовит литерарен прирачник за заминување, но и за враќање од Канада.
На четвртата позиција е романот „Дамски гамбит“ на кој е базирана истоимената мегапопуларна серија на „Нетфликс“, приказна за патот до успехот на шахистката Бет Хармон, која, како што ги усовршува вештините на шахот и зачекорува на патот на успехот, нејзината изолација станува сè позастрашувачка, а помислата за бегство сè попримамлива.
Веднаш за него е серијалот од 12 детективски романи од Агата Кристи, меѓу кои „Смрт на Нил“, „Убиство во ориент Експрес“ и „Мистериозниот случај во Стајлс“, спакувани во два комплета со посебно дизајнирана кутија, но достапни и како одделни наслови.
„Мала книга за хиге“ и годинава е на листата најпродавани, а од истиот автор од печат неодамна излезе книгата „Уметноста на создавање спомени“ во која Мајк Викинг, повикувајќи се на научни истражувања на среќата, нè учи како да создаваме среќни спомени и како полесно да ги задржиме.
На седмото место е „Париската библиотека“, интересна и возбудлива приказна, полна со љубов и драма, тажни и среќни човечки судбини, роман за книги и роман за неочекувани херои и хероини – за тоа како книгите можат да ни го сменат животот, а како читателите можат да го сменат светот.
„Седумте мажи на Евелин Хуго“, најпродаваниот наслов на годинешниов Саем на книгата, е на деветтото место. Тејлор Џенкинс Рејд, број 1 авторка на бестселери на „Њујорк тајмс“, напиша емотивна приказна за филмската икона Евелин во времето на златните години на Холивуд. Возрасната и повлечена холивудска филмска икона Евелин Хуго конечно е подготвена да ја каже вистината за нејзиниот гламурозен и скандалозен живот. Но, кога за тоа ќе ја ангажира анонимната репортерка Моник Грант, никој не е поизненаден од самата Моник. Зошто неа? И зошто сега?
Најпопуларната авторка за млади Колин Хувер е на деветтото место со серијалот од четири романи насловен како „Безнадежно“ во кој од различна перспектива ги проследуваме љубовните приказни на Скај и Холдер и Даниел и Сикс.
Монолозите на Васко Тодоров алијас Тошо Малерот селектирани во книгата „Монологија“ ја затвораат топ-10 листата најпродавани книги за возрасни за 2021 година.
Сите книги можат да се најдат во книжарниците „Литература.мк“ или да се нарачаат онлајн на www.literatura.mk.
