Големиот современ албански писател Исмаил Кадаре почина денеска во Тирана, од срцев удар, на 88-годишна возраст. Кадаре е роден во Ѓирокастро, на 28 јануари 1936 година. Го сметаат за еден од најголемите европски писатели и интелектуалци на 20 век и за универзален глас против тоталитаризмот. Покрај тоа што беше истакнат романсиер, есеист и драмски автор, беше и академик, политичар, поранешен пратеник и потпретседател на партијата Демократски фронт.
Блог
01.
Jul
29.
Jun
Летниот одмор не може да се замисли без добра книга. Книгите се одлична придружба во летните денови, поминати под сенката на плажа, во ладовина на планина или за време на долгите патувања. Разладете се овие жешки денови со книжевното освежување од „Арс Ламина“.
25.
Jun
Во чест на 90 години од раѓањето на Петре М. Андреевски,од денеска (25.06) до недела (30.06), во книжарниците на „Литература.мк“, со секоја купена „Книга за Петре“ ќе следува подарок книга од Петре М. Андреевски.
10.
Jun
Под слоганот „Земи здив, нурни во добра книга“, издавачката куќа „Арс Ламина“ ја почнува својата летна продажна акција што ќе трае од 10 јуни до 10 јули. Во рамките на акцијата, која се реализира во сите поголеми книжарници, „Литература.мк“ и онлајн на https://www.literatura.mk/proizvodi/popusti ќе има попусти до 60 %
07.
Jun
Поминаа вкупно 15 настани, а нѐ очекуваат уште 5 да го заокружиме првото издание на фестивалот.
05.
Jun
Разговаравме со македонскиот автор Владо Јаневски за наградата и едицијата „Пегаз“, за процесот на пишување и конкурирање.
31.
May
Со завршна изложба со симболичен наслов „Поглед кон Порта Европа“, во рамките на програмата на фестивалот за литература и општа култура „Видик“, издавачката куќа „Арс Ламина“ вчеравечер (30 мај), во книжарницата „Литература.мк“ во „Скопје сити мол“, го заокружи проектот „Порта Европа“.
29.
May
Во првите две фестивалски недели на „Видик“ се одржаа промоции на книги за возрасни и за деца, музички настапи, театарска изведба, изложба на илустрации и друго. По одличниот старт и реализацијата на првите 7 настани на „Видик“, ја завршивме втората недела со еден од најнадежните македонски џез-состави „Мојра“ и настанот „Џез на кирилица“, во чест на Денот на светите Кирил и Методиј (24 мај), во „Литература.мк“, „Дајмонд“.