Обележете во вашите календари: 28 јануари е Меѓународен ден на лего-коцките, а 29 јануари е Меѓународен ден на сложувалките! Во таа чест ви обезбедивме 20% попуст на 300 производи од „LEGO“, „Eurographics“ и „Bluebird“.
Блог
27.
Jan
26.
Jan
Новата сликовница „Рокчето“ од познатиот поет Никола Маџиров, со илустрации на Анета Илиевска, ќе биде промовирана на 30 јануари (вторник), во 19 часот, во новата книжарницата „Литература.мк суперстор“ во „Дајмонд мол“ на првиот кат. Книгата ќе ја промовираат Оливера Ќорвезироска и Ермис Лафазановски.
25.
Jan
Во присуство на многубројни гости од културната и од писателската сфера, читатели и претставници на медиумите, вчеравечер (24 јануари), во книжарницата „Литература.мк суперстор“ во „Скопје сити мол“ се одржа промоцијата на новата критичко-есеистичка книга на Александар Прокопиев – „Трибун, Хронистерик, Номад“. Оливера Ќорвезироска, модераторката на настанот и уредничка на книгата, го отвори претставувањето со анегдота како најлесно да го научиме и да го запомниме насловот на книгата.
22.
Jan
Новата книга „Трибун, Хронистерик, Номад“ од познатиот писател и книжевник Александар Прокопиев ќе биде промовирана на 24 јануари (среда), во 19 часот, во книжарницата „Литература.мк суперстор“ во „Скопје сити мол“. Книгата ќе ја промовира Оливера Ќорвезироска.
22.
Jan
Книжевно сокаче со Јована Матевска Атанасова
Необично ко-авторство, книга која е напишана засебно, а се надоврзува од дел во дел. Секој автор ја претставува својата приказна и главните ликови на читателот, речиси како низ неа да прострујуваат трите духа на Дикенсовата „Божиќна приказна“. Лесно и предвидливо се застапени стеротипите кои овие празници ги носат со себе: волнени чорапи, топло чоколадо и многу љубов во воздухот. „Нека снежи“ е забавна триделна новела што ја користи моќта на писателот да влегува во побараната улога, менувајќи го по потреба стилот и преферираниот жанр. Ја препорачувам и како тинејџерско четиво за малку повозрасни тинејџери. Книгата е исчистена од вулгарности и провокативни сцени кои често знаат да го обезличат прочитаното и да бидат „возрасно несоодветни“, па застануваат како коска в грло.
12.
Jan
„Рокчето“ е прва книга за деца на Никола Маџиров, еден од најистакнатите и најпреведуваните современи македонски поети во светот.
10.
Jan
Книжарницата „Литература.мк Суперстор“ и кафе-барот „Кафе Литература“ ја почнаа својата нова приказна на нова станица, во рамките на трговскиот центар „Дајмонд мол“.
04.
Jan
Новата книга од Зоран Спасов-Ѕоф, „Цепај сине“, е најпродаван наслов во издание на „Арс Либрис“, дел од „Арс Ламина – публикации“, во 2023 година.