Свеченото доделување на наградата „Пегаз“ за 2023 година и промоцијата на победничкиот роман – „Риба во(н) мрежа“ од авторката Јована Матевска Атанасова ќе се одржат на 16 април (вторник), со почеток во 19 часот, во книжарницата „Литература.мк“ во „Дајмонд мол“.
Блог
11.
Apr
09.
Apr
Новата книга за деца, со најубавите бајки на сите времиња, „Си беше еднаш“, ќе биде промовирана на 11 април (четврток), со почеток во 19 часот, во „Литература.мк“ во „Дајмонд мол“. На настанот ќе учествуваат: уредничката Оливера Ќорвезироска, која ги направи изборот и адаптацијата на бајките, илустраторката Наталија Лукомска и книжевната теоретичарка и професорка Калина Малеска, која ќе биде во улога на промотор.
05.
Apr
Светот на децата, нивното растење, нивните палавости, мудрости, емоции и разни ситуации, се инспирација за неуморниот писател Васил Мукаетов, кој, вчеравечер, во „Литература.мк“ во „Скопје сити мол“ ја промовираше својата нова книга „Има ли и страна петта?“.
05.
Apr
Магијата на приказните е безгранична! Приказните ги учат децата на сите животни лекции. Им помагаат да сознаат што е добро, а што е лошо, како си ги распознаат своите емоции, како да постапуваат во различни ситуации... Приказните, исто така, ги потсетуваат возрасните на најдобрите човечки особини. Дали вие имате омилен лик или некој со кој се идентификувате? Дали сакате да откриете во која бајка припаѓате?
04.
Apr
Новата книга „Има ли и страна петта?“ на еден од најплодните македонски писатели за деца, Васил Мукаетов, ќе биде промовирана денес, на 4 април (четврток), во 18.30 часот, во „Литература.мк“ во „Скопје сити мол“. Промотори ќе бидат Татјана Димовска-Атанасова, уредничка во „Арс Ламина“ и проф. д-р Весна Мојсова-Чепишевска, професорка на Филолошкиот факултет „Блаже Конески“.
03.
Apr
Сликовницата „Рокчето“ од Никола Маџиров, чија приказна е поврзана со настанување на градот Струмица, се врати дома – во градот под Царевите Кули. На Светскиот ден на книгите за деца (2 април), во присуство на многубројни млади читатели, родители, книжевници и новинари, пред книжарницата „Литература.мк“ во Струмица, беше промовирана книгата, која е во издание на „Либи“, дел од „Арс Ламина – публикации“. Покрај Маџиров, кон неговата прва книга за деца се осврнаа уредничката Оливера Ќорвезироска, илустраторката Анета Илиевска и специјалниот гостин на настанот, фолклористот Иван Котев.
02.
Apr
Во чест на Светскиот ден на книгите за деца, „Литература.мк“ ја почнува кампањата „Повеќе магични приказни“, која ќе трае од втори до десетти април. Во рамките на кампањата ќе има попусти до 60% на изданија за најмладите читатели, од повеќе издавачки куќи, застапени во „Литература.мк“.
01.
Apr
На денешен ден (1 април), пред 95 години во Брно, (некогашна) Чехословачка, е роден еден од најпознатите современи светски писатели Милан Кундера. Чешкиот автор, кој почина минатата година, зад себе остави богато книжевно творештво, меѓу кои и култните книги: „Шега“, „Неподносливата леснотија на постоењето“, „Смешни љубови“, „Книгата за смеата и за заборавот“ и други.