Има нешто неодоливо во приказната за Евелин Хуго. Звучи гламурозно, мистично, скандалозно, романтично, недостижно, а сепак... познато. Како реалноста да оставила отпечатоци во фикцијата. Од авторката на бестселерот „Дејзи Џонс енд Д сикс“, Тејлор Џенкинс Рејд неодамна од печат излезе романот „Седумте мажи на Евелин Хуго“. Двете книги се во издание на „Арс Либрис“, дел од „Арс Ламина – публикации“ и се достапни во книжарниците „Литература.мк“ и онлајн на www.literatura.mk. Книгата, која е бестселер на „Њујорк тајмс“, беше најпродаваната книга на годинашниот Саем на книгата.
Приказната се движи околу возрасната и повлечена холивудска филмска икона Евелин Хуго, која конечно е подготвена да ја каже вистината за нејзиниот гламурозен и скандалозен живот. Но, кога за тоа ќе ја ангажира анонимната репортерка Моник Грант, никој не е поизненаден од самата Моник. Зошто неа? И зошто сега? Моник не е баш на врвот на светот. Сопругот ја напуштил, професионалниот живот ѝ е во ќор-сокак. И покрај тоа што не знае зошто Евелин ја избрала да ја напише нејзината биографија, Моник е решена да ја искористи можноста и да почне своја кариера. Моник е поканета во луксузниот апартман на Евелин, каде што фасцинирано слуша додека актерката ѝ ја раскажува нејзината приказна. Од пробивот во Лос Анџелес во педесеттите до нејзината одлука да го напушти шоу-бизнисот во осумдесеттите години и, секако, седумте сопрузи попатно, Евелин раскажува приказна за безмилосни амбиции, неочекувано пријателство и голема забранета љубов. Моник почнува да чувствува вистинска поврзаност со легендарната ѕвезда, но како што приказната на Евелин се приближува кон крајот, така станува јасно дека нејзиниот живот се испреплетува со оној на Моник на трагичен и неповратен начин.
„Седумте мажи на Евелин Хуго“ е историска фикција првично објавена 2017 година. Иако во романот главната хероина, 79-годишната старлета Евелин Хуго, е измислен лик, сепак многу заличува на најпознатите холивудски диви, како Елизабет Тејлор, Ава Гарднер и Рита Хејворт. Тоа го потврдува и самата авторка на книгата, Рејд, која признава дека за приказната делумно се инспирирала од животот на Елизабет Тејлор, која беше во брак осум пати со седум различни мажи, како и Ава Гарднер, која ги открила своите животни тајни на анонимен новинар. Исто така, и Рита Хејворт имала големо влијание врз ликот Евелин Хуго. Хејворт, чијшто татко бил Шпанец, имала многу слични почетоци како Хуго, што може да се прочита на почетокот на романот.
Романот беше номиниран за наградата „Гудрид чојс“ за најдобра историска фантастика во 2017 година. Во 2019 година, студиото „Фриформ“ и „Фокс 21“ ги откупија правата за развој на сценариото за серија.
Книгата е достапна во сите книжарници на „Литература.мк“ и онлајн на:
https://literatura.mk/BookDetails.aspx?Pr=14712
