Ново

Од печат излезе партизанскиот роман на Моџо Килингтон – „СФ – СН“

31.03.2025.
Од печат излезе партизанскиот роман на Моџо Килингтон – „СФ – СН“
Од печат излезе партизанскиот роман на Моџо Килингтон – „СФ – СН“

Четвртиот роман на Моџо Килингтон – „СФ-СН“, излезе од печат во издание на „Арс Либрис“, дел од „Арс Ламина – публикации“.

Книгата ќе  биде промовирана на 9 април (среда), во 19 часот, во „Литература.мк“ во „Дајмонд мол“, во рамките на второто издание на фестивалот за литература и општа култура „Видик“, кој е во организација на „Литература.мк“.  Промотор ќе биде уредничката Оливера Ќорвезироска.

„СФ – СН“ најдобро се опишува самиот себеси со духовитиот, но и мошне прецизен поднаслов: партизански роман. Поднасловот функционира и како жанровска одредница, но и како алузија на едно важно време. Тој е и логично и природно надополнување на насловот, всушност на кратенката на познатото југословенско партизанско мото „Смрт на фашизмот – слобода на народот“ кое се користело и како поздрав меѓу членовите на движењето на отпорот.

„СФ – СН“ е необичен роман, навраќање на едно подалечно време, но и на еден навидум анахрон, дури соцреалистички начин на пишување. Поигрувајќи си со ваквата фактура, авторот го реактуализира херојското време од еден личен, љубовен ракурс, со мошне жив и впечатлив еротски пристап. На крајот има и цела песнарка на необјавени песни на еден лик – загинат, непознат поет-партизан... што е досетлива мистификација којашто романот го приближува и кон постмодернизмот.

Моџо Килингтон е писател, сценарист, активист на социјалните мрежи. Негови досегашни дела се: романите „Есента во животот на професорот по марксизам“, „Уништување“ и „Денот кога не се разбудив“, како и поетската книга „Аутопсија на љубовта“, сите во издание на „Арс Ламина“.

Поврзани производи

Sačuvano u omiljne
Motivišuće
Kreativno
Prilagođeno uzrastu
350 МКД
5,66 EUR

    Остави коментар

          Во моментов нема коментари

          Слични статии

          02.
          Apr.
          Ново
          На Светскиот ден на литературата за деца издавачката куќа „Арс Ламина“ го распишува традиционалниот литературен и ликовен конкурс „Читањето...
          30.
          Mar.
          Ново
          Долгоочекуваната книга посветена на Ѓорѓе Балашевиќ, „Панонскиот адмирал“ од Иван Ивачковиќ, излезе од печат во издание на „Арс Либрис&ldqu...
          29.
          Mar.
          Ново
          Инстант-бестселерот број 1 на „Њујорк тајмс“ - „Изградете живот каков што сакате“ од Артур Ч. Брукс и познатата ТВ-водителка Опра Вин...
          array(0) {
          }
          
          Memory Consumption is: 8.52 MB