Настани
31.
Mar
13.
Jul
На новиот сајт, кој е повеќе од книжарница, понудени се повеќе од 6.500 книги од 50 издавачки куќи и над 15.000 производи од 60 брендови.
15.
Mar
Книжарницата „Литература.мк суперстор“ во „Дајмонд мол“ ќе биде домаќин на првиот официјален Pokémon-настан во нашата земја, кој ќе се одржи на 23 март (сабота), со почеток во 18 часот. Исто така, почнувајќи од 15 март, ќе има 20% попуст за онлајн-нарачките на дел од производите.
07.
Sep
Првата авторизирана биографија на легендарниот фудбалер Дарко Панчев ќе биде промовирана на 25 септември (среда), во 19 часот, во „Литература.мк“ во „Дајмонд мол“. Долгоочекуваната книга, чиј автор е доајенот на спортското новинарство Зоран Михајлов, е издание на „Арс Либрис“, дел од „Арс Ламина – публикации“.
03.
Oct
Во присуство на многубројна публика во книжарницата „Литература.мк“ во трговскиот центар „Ист гејт“, на 29 септември (петок) издавачката куќа „Арс Ламина“ одржа промотивен настан за трите романи-финалисти за наградата „Пегаз“ во 2022 година.
16.
Nov
Во рамките на годинешното издание на Неделата на италијанската кујна, вчеравечер, 15 ноември, во книжарницата „Литература суперстор“ во „Скопје сити мол“, Амбасадата на Р. Италија и издавачката куќа „Арс Ламина“ го презентираа македонското издание на првиот и најпознат италијански прирачник за готвење, објавен првпат во 1891 година од славниот гастроном и патописец Пелегрино Артузи.
13.
Sep
Настанот со Даница Вукиќевиќ ќе се одржи на 19 септември (вторник) со почеток во 19 ч., во книжарницата „Литература.мк“ на ул. „Македонија“.
11.
Sep
Разговорот со Драго Јанчар – што ќе се одржи на 18 септември (понеделник) со почеток во 19 ч., во книжарницата „Литература.мк“ на ул. „Македонија“ – ќе го водат уредничката во издавачката куќа „Арс Ламина“, Бисера Бендевска и преведувачот Дарко Спасов.
05.
Feb
Новата книга за возрасни на Владимир Лукаш „Гени, мени, сени (Потеклото на бабите)“, ќе биде промовирана на 07.02 (среда) во 19 часот, во книжарницата „Литература.мк“ на улица „Македонија“. Промоторка на романот ќе биде уредничката Оливера Ќорвезироска.
15.
Nov
Денес (15 ноември), во „Литература.мк суперстор“ во „Скопје сити мол“, со почеток во 19 часот, „Амбасада на Република Италија“ во соработка со издавачката куќа „Арс Ламина“, ќе го презентира македонското издание на првиот и најпознат италијански прирачник за готвење.
04.
Apr
Новата книга „Има ли и страна петта?“ на еден од најплодните македонски писатели за деца, Васил Мукаетов, ќе биде промовирана денес, на 4 април (четврток), во 18.30 часот, во „Литература.мк“ во „Скопје сити мол“. Промотори ќе бидат Татјана Димовска-Атанасова, уредничка во „Арс Ламина“ и проф. д-р Весна Мојсова-Чепишевска, професорка на Филолошкиот факултет „Блаже Конески“.
26.
Jan
Новата сликовница „Рокчето“ од познатиот поет Никола Маџиров, со илустрации на Анета Илиевска, ќе биде промовирана на 30 јануари (вторник), во 19 часот, во новата книжарницата „Литература.мк суперстор“ во „Дајмонд мол“ на првиот кат. Книгата ќе ја промовираат Оливера Ќорвезироска и Ермис Лафазановски.
13.
Feb
На 14 февруари (среда), во 19:00 часот, во „Литература.мк“ на ул. „Македонија“, ќе се одржи промоција на романот „Девојката што ја наслика смртта“, во издание на„Арс Либрис“, дел од „Арс Ламина - публикации“.
10.
May
Новата книга за деца „Нови бајки од Македонија“, во издание на „Арс Ламина“ и Движењето за поддршка на креативноста Иво Лауренчиќ – „Браво сине!“, ќе биде промовирана на 13 мај (понеделник), со почеток во 11 часот, во „Литература.мк“ во „Дајмонд мол“.
15.
Feb
На 16 февруари, со почеток во 19 часот, во Café Literatura во „Дајмонд мол“, ќе биде промовирана едицијата „Порта Европа“, во издание на „Арс Ламина“.
22.
Jan
Новата книга „Трибун, Хронистерик, Номад“ од познатиот писател и книжевник Александар Прокопиев ќе биде промовирана на 24 јануари (среда), во 19 часот, во книжарницата „Литература.мк суперстор“ во „Скопје сити мол“. Книгата ќе ја промовира Оливера Ќорвезироска.
07.
Feb
На 9 февруари (петок), со почеток во 19 часот, во Café Literatura во „Дајмонд мол“, во рамките на „Денови на литературата“, ќе се одржи промоција на романот „Бахус“ од авторот Сашо Кузмановски, издание на „Арс Либрис“, дел од „Арс Ламина – публикации“. Романот ќе го промовира уредничката во издавачката куќа „Арс Ламина“, Бисера Бендевска, низ разговор со авторот.