.jpg)
На 17 ноември на најфреквентното шеталиште во Битола, Широк Сокак, пред точно 5 години официјално беше отворена новата книжарница на „Литература.мк“.
Почетокот на новата приказна на „Литература.мк“ во градот на конзулите беше одбележан со коктел-забава и концерт на познатата битолска група „Фолтин“. Уште во првите неколку часови, неколку стотици битолчани од сите генерации ја посетија книжарницата, којашто е со модерен, артистички уреден ентериер.
Пет години подоцна книжарницата прерасна во една од најпрепознатливите и најпосетени книжарници во Битола. Во срцето на Битола, од неа пулсира културниот живот на градот. „Литература.мк“ на Широк Сокак, во простор од 20 m2, ги донесе светските книжарски трендови, како и изданијата на најголемите домашни издавачки куќи, задоволувајќи го вкусот и на најпребирливите вљубеници во книгата. Со ова, градот на конзулите доби книжарница по светски терк. Во неа е застапена литература за целото семејство. На полиците на книжарницата може да се најде голем избор од белетристиката, стручната литература, книжевност за деца, учебници и едукативни материјали.
Како веќе препознатливо место за страсните љубители на книгата, вљубеници во пишаниот збор и талкачи низ бескрајниот литературен простор, „Литература.мк“ нуди богата програма, разни случувања и содржини наменети за сите возрасти и за сите вкусови: литературни дружења, гостувања на домашни и на странски автори, креативни средби и едукативни работилници за најмалите читатели.
Синџирот продавници сега има 6 книжарници низ целата земја, а круната ќе биде овогодинешното отворање на суперпродавницата „Литература.мк“ во новиот трговскиот центар „Диамонд мол“, која воедно ќе биде и најголемата книжарница во Македонија.
Роденденот го прославуваме со потсетување на дамнешниот 17-ти ноември и мала галерија од отварањето.
