Рецензии

„Фурија“ од Алекс Мајклидис - Прогноза за едно убиство

02.04.2025.
„Фурија“ од Алекс Мајклидис - Прогноза за едно убиство
„Фурија“ од Алекс Мајклидис - Прогноза за едно убиство

фурија - именка, ж.р. - бес, виор, фортуна - божица на одмаздата

Итро осмислен трилер што го вовлекува читателот во свет на интрига, лага и измама уште со првата реченица „Ова е приказна за едно убиство. Или, можеби, не е сосема така“. Мајклидис го става читателот во улога на публика/порота/сведок/ соучесник во античка драма/трагедија (книгата е напишана со пролог/епилог и четири чина), тој е на сцената со него и низ неговата свест и субјективна перспектива патува до напуштениот и мистичен остров Аура. Овој хибриден трилер овенчан со дискурсот на психологијата и драмата ќе биде одлично скршнување за љубителите на трилери што сакаат да се одморат од жанрот нордик ноар и бруталниот крвав формат што навикнале да го сретнуваат по книжарските полици. Како и во книгите на Агата Кристи, поконкретно „И не остана ниту еден“, Мајклидис ги соочува своите ликови во една херметичка средина изолирана од надворешните влијанија и тука точно се знае дека еден од нив ќе биде убиец, а друг жртва, како писателот да го тестира читателот и да го внесува во имагинарна партија на друштвената игра „Мафија“.

„Сите ние сме недоверливи наратори на нашите животи.“

Имено, Елиот Пејџ е прикажан како мек и лесно сугестибилен пријател на познатата филмска ѕвезда во пензија, Лана Фарар. Патот на Елиот до круговите на џет-сетот не бил нималку наивен и едноставен, па тој слободно може да си ја пришие метафората дека газел по трња. Елиот не е единствен пријател на оваа дива, и доколку би се прашувал, таа треба да го преиспита своето пријателство со Кејт, а покрај тоа, во нејзиниот сопруг Џејсон гледа подмолен опортунист и материјалист. Сепак, емоциите на Елиот се обострани затоа што се чини, никој освен Лана не го „мириса”. Toj присилно ја носи развеаната етикета на губитник и подбишега, сѐ со цел да остане во близина на Лана, па доколку му се укаже можност и да го разбие тој лажен и маѓепсан круг на интимни врски што ги оформила. Јасно е дека ѕвездите се осамени, дека постојано се распродавани по таблоиди, дека дури и роден татко ќе си ја продаде ќерката доколку профитира од таблоидите, и ова чувство на заштитник кај Елиот е пресилно, до толку, што сакајќи да ѝ ги отвори очите на Лана, тој сам се мести на средината од жртвениот круг.

Шестмина патуваат на островот Аура за време на велигденските празници со намера да уживаат под топлата рингла на Медитеранот, да ги одморат табаните на смлачениот песок, но она што не го знаат е дека таму дуваат фурии и одненадеж поволната прогноза се менува. И додека маслиновите расади ги пуштаат соковите и специфичните миризби го оплодуваат островот, се случува убиство. Но, какво и чие? Мајклидис ќе ве остави да претпоставувате до последната страница, ќе ве искуши до степен на истенчување на сетилото за морално расудување. Што бара сомнителниот Никос кој Лана го назначува за „домар“ на островот? Дали Лео, синот на Лана, е разгалено и бескрупулозно детиште кое расте со сите благодати на потомство на позната ѕвезда, а притоа е недопирлив и пред очите на законот? Или Џејсон, младиот и згоден Аполон, што ги исправува брчките на Лана со својата појава пред папараците, е заинтересиран само за баснословното богатство и луксузниот хедонизам што му го дозволува статусот „сопружник“?

„Фурија“ нека биде вашиот нов печат во книжевниот пасош, и тоа токму сега, кога хронологијата од романот ќе се поклопи и со фактичката реалност, за време на велигденските празници.

Ова е роман за жртвите што ги правиме во име на љубовта и убедувањето, за заслепеноста и афектот, тие ситни честички од вечноста што во секунда пресудуваат кои ќе бидеме. Какви одмазднички струи навестува заоблаченото пријателско метео?

 

Поврзани производи

Sačuvano u omiljne
Motivišuće
Kreativno
Prilagođeno uzrastu
450 МКД
7,28 EUR

Остави коментар

Во моментов нема коментари

Слични статии

22.
Jan.
Рецензии
Сицилијанска одбрана - е инвазивна и често агресивна техника во шахот на црните наспроти белите фигури, која ја играат дури 17 % од светските велемајстори во...
16.
Nov.
Рецензии
Морничав трилер за семејната драма, за вечната имотна борба што има за задача да ја потврди моќта на генетиката. Во романот е отсликана и романса, романсата ...
30.
Oct.
Рецензии
Уште на самиот почеток заедно со Исидора влегувате во една траорна, мачна атмосфера со веста за смртта на нејзината мајка, авангардната, екстравагантна и све...
29.
Oct.
Рецензии
„Најстарото и најсилното човеково чувство е стравот, а најстариот вид на стравот е страв од непознатото“ напиша големиот Харолд П. Ловкрафт. А по...
array(0) {
}
Memory Consumption is: 8.6 MB