.jpg)
„Не ни треба магија за да го промениме светот, ние веќе ја носиме сета моќ што ни треба во себе: имаме моќ да замислиме подобар свет.“ - Џ. К. Роулинг
На денешен ден (31 јули) пред 59 години во Јејт, Англија, е родена Џ. К. Роулинг, авторка на популарниот книжевен серијал за младиот волшебник – Хари Потер.
Идејата за Хари Потер ја добила уште во 1990 година, за време на едно долго патување со воз од Манчестер кон Лондон. Нацртите од нејзиниот прв роман ги запишувала на салфета во еден паб.
Откако била одбиена од 12 издавачи, Роулинг ја издава „Хари Потер и каменот на мудроста“ преку куќата „Блумсбери“ во 1997 година. Другото е веќе историја, затоа што серијалот, кој ќе се протега низ седум книги и уште неколку придружни изданија, доживува неверојатен комерцијален успех насекаде низ светот.
Иако пишува под името Џ. К. Роулинг, нејзиното вистинско име е Џоан Џо Роулинг. Пред да ја издадат нејзината прва книга, од издавачката куќа „Блумсбери“ биле загрижени дека младите машки читатели нема да сакаат да ја купуваат книгата знаејќи дека е напишана од женски автор. Ѝ предложиле на Роулинг да користи два иницијали, наместо да го открива нејзиното вистинско име. Џоан бидејќи немала средно име, ја одбрала буквата „К“ како Кетлин за својот втор иницијал, од нејзината баба. Името Кетлин никогаш не било дел од нејзиното вистинско име. Таа самата себеси се вика Џо и има изјавено: „Никој не ме нарекол Џоан кога бев мала, освен ако не беа лути“. Љубовта кон книгите ја наследила од нејзината мајка, која им читала на своите деца. Џоан брзо научила да чита и пишува, а интересно е што својата прва книга ја напишала на шест години.
Многу го сакала училиштето, но нејзиниот живот набрзо се променил - мајка ѝ тешко се разболела кога Џоан имала 15 години. По завршувањето на средното училиште, запишува студии по француски јазик, но увидела дека тоа не е она што го сака. По напуштањето на студиите, заминува во Португалија, каде што држи часови по англиски јазик. Таму го запознава и првиот сопруг со кој има една ќерка... на работ на сиромаштија, не се откажувала од сонот да биде писателка и со месеци се обидувала да го продаде својот прв роман во издавачките куќи. Единствено „Блумсбери“ се заинтересирале за романот. Преостанатото е историја. „Хари Потер и Каменот на мудроста“ ѝ ја донел првата заработка од 150.000 евра. До крајот на 2000 година, трите објавени романи се отпечатени на 35 јазици и ѝ донеле околу 400 милиони евра. Денеска важи за една од најпознатите, но и најбогати авторки, која е посветена на својата добротворна организација. Со својот втор сопруг, со кој има уште две деца, живее повлечен живот во замок во Шкотска.
Врз основа на книгите е снимен и истоимениот филмски серијал, со Даниел Редклиф (како Хари Потер), Руперт Гринт (Рон Визли) и Ема Вотсон (Хермиона Гренџер) во главните улоги. Филмовите се исто толку популарни и ценети како и книгите.
Книгите имаат освоено поголем број награди во Обединетото Кралство и во САД. Преведени се на 84 јазици и досега се продадени во 600 милиони копии.
Седумте книги од серијалот „Хари Потер“ се објавени на македонски јазик, во издание на „Арс Либрис“, дел од „Арс Ламина – публикации“. Станува збор за: „Хари Потер и Каменот на мудроста“ (што го има и во лектирна верзија), „Хари Потер и Одајата на тајните“, „Хари Потер и затвореникот од Азкабан“, „Хари Потер и Пламениот пехар“, „Хари Потер и Редот на фениксот“, „Хари Потер и Полукрвниот принц“ и „Хари Потер и Реликвиите на смртта“.
Во продолжение се потсетуваме на содржината на седумте книги, кои иако се категоризирани како книги за деца, сепак се интересни и за возрасните.
1. „Хари Потер и Каменот на мудроста“
„Хари Потер и Каменот на мудроста“ е првиот дел од серијалот за младиот волшебник Хари Потер и неговите авантури во светот на волшебниците и на магијата. Еден обичен ден во домот на Дарслиеви, на Привет драјв, бр. 4, стигнува писмо за момчето во креденецот под скалите, Хари Потер. По многуте обиди на тетин Вернон да ги скрие писмата што постојано доаѓаат, една вечер на вратата се појавува Рубеус Хагрид од училиштето Хогвортс за вештерство и волшебништво и му вели дека е волшебник. Тогаш почнуваат авантурите на Хари и неговите пријатели, но влогот е голем − целиот волшебнички свет е во опасност.
Книгата е достапна во сите поголеми книжарници и онлајн на www.literatura.mk.
https://www.literatura.mk/naucna-fantastika-i-fantazija-za-mladi/20701-hari-poter-i-kamenot-na-mudrosta
2. „Хари Потер и Одајата на тајните“
„Хари Потер и Одајата на тајните“ е вториот дел од серијалот за младиот волшебник Хари Потер. Летниот распуст на Хари беше во најмала рака катастрофален. Го прослави најлошиот роденден досега, не доби ниедно писмо од Рон и Хермиона, а му беше соопштено смртно предупредување од куќниот виленик, Доби – и конечно, беше спасен на спектакуларен начин од Дарслиеви со помош на летачки автомобил! Во Хогвортс, пак, проблемите продолжуваат: Хари слуша шепотења во ѕидовите што никој друг не може да ги чуе и, наеднаш, училиштето е полно со скаменети ученици и страшни натписи по ѕидовите! На повидок е уште едно соочување со мрачните сили!
Книгата е достапна во сите поголеми книжарници и онлајн на www.literatura.mk.
https://www.literatura.mk/naucna-fantastika-i-fantazija-za-mladi/20702-hari-poter-i-odajata-na-tajnite
3. „Хари Потер и затвореникот од Азкабан“
„Хари Потер и затвореникот од Азкабан“ е третиот дел од серијалот за Хари Потер. Уште еден бурен летен распуст на Хари! Овој пат тој успеа да се замери со својата тетка и за малку да биде избркан од Хогвортс! За бељата да биде уште поголема, озлогласениот затвореник Сириус Блек е побегнат од волшебничкиот затвор Азкабан, а страшните дементори го чуваат Хогвортс од сите страни. На крајот, тука е и црното, огромно куче кое го следи Хари насекаде, и гримот, предзнакот на смртта, што се појавува во ливчињата чај на часовите по претскажување. Мрачните сили никако да си заминат од Хогвортс!
Книгата е достапна во сите поголеми книжарници и онлајн на www.literatura.mk.
https://www.literatura.mk/naucna-fantastika-i-fantazija-za-mladi/20704-hari-poter-i-zatvorenikot-od-azkaban
4. „Хари Потер и Пламениот пехар“
Во четвртиот дел, „Хари Потер и Пламениот пехар“ летниот распуст на Хари е незаборавен, за промена! Заедно со Визлиеви и Хермиона тој присуствува на Светското првенство во квидич – невообичаен настан дури и за волшебничкиот свет. Во Хогвортс, пак, првпат по неколку векови се одржува Триволшебничкиот турнир, меѓуучилиштен волшебнички натпревар во кој се соочуваат првенците на трите познати волшебнички училишта, Хогвортс, Бобатонс и Дурмстранг. Но, во заднината на сите овие настани се чувствува темнината и злото: дали конечно ќе се случи долгоочекуваното враќање на лордот Волдеморт?
Книгата е достапна во сите поголеми книжарници и онлајн на www.literatura.mk.
https://www.literatura.mk/naucna-fantastika-i-fantazija-za-mladi/28370-hari-poter-i-plameniot-pehar
5. „Хари Потер и Редот на фениксот“
Во „Хари Потер и Редот на фениксот“ Хари Потер е исфрлен од Хогвортс! Бранејќи го својот братучед Дадли од дементорите, тој е принуден да употреби магија за време на летниот распуст, постапка што доведува до негово сослушување од министерот за магија лично. Во меѓувреме, лордот Волдеморт е сè помоќен, а голем дел од волшебничкиот свет – вклучувајќи го и Министерството за магија – е во одрекување: се води подмолна хајка против сведоштвата на Хари и Дамблдор. Но, за среќа, постојат луѓе кои ќе му се спротивстават на Мрачниот господар. Познатиот Ред на фениксот, основан од Дамблдор како противтежа на страшните смртојади, дејствува и се бори зад кулисите. На повидок е нова волшебничка војна и секој мора да ја одбере страната на која ќе се бори.
Книгата е достапна во сите поголеми книжарници и онлајн на www.literatura.mk.
https://www.literatura.mk/naucna-fantastika-i-fantazija-za-mladi/29141-hari-poter-i-redot-na-feniksot
6. „Хари Потер и Полукрвниот принц“
Во „Хари Потер и Полукрвниот принц“ Дамблдор доаѓа да го земе Хари уште за време на летниот распуст; една од неговите дланки е поцрнета и сува, но Хари не дознава зошто. Сепак, во тој момент почнува нивната заедничка мисија: да се влезе во темното минато на лордот Волдеморт и да се открие неговата најдлабока тајна. Во меѓувреме, пак, волшебничкиот и маголскиот свет се во хаос. Секојдневно исчезнуваат волшебници и обични луѓе, присуството на дементорите се чувствува насекаде, а министерствата на двата света се на работ на пропаст – знаци дека полека но сигурно Мрачниот господар ја наметнува својата власт. Дури и Хогвортс – најбезбедното место на светот – веќе не може да ја гарантира сигурноста на своите ученици. Силите на доброто и злото веќе длабоко се навлезени во отворена војна.
Книгата е достапна во сите поголеми книжарници и онлајн на www.literatura.mk.
https://www.literatura.mk/naucna-fantastika-i-fantazija-za-mladi/29583-hari-poter-i-polukrvniot-princ
7. „Хари Потер и Реликвиите на смртта“
Во последниот дел од серијалот, „Хари Потер и Реликвиите на смртта“, Хари Потер го напушта домот на Дарслиеви на истиот начин како што и пристигна на Привет драјв бр. 4 – на џиновскиот мотор на Хагрид. Овој пат, сè е поразлично: тој веќе нема да се врати кај своите роднини, магијата што со години го заштитуваше е прекината, а зад неговите петици се смртојадите и лордот Волдеморт. Но, пред конечното соочување со Мрачниот господар, Хари и неговите пријатели мораат да ги пронајдат и да ги уништат преостанатите хоркрукси – зашто само така Волдеморт може да биде поразен и доброто да го надвладее злото.
Книгата е достапна во сите поголеми книжарници и онлајн на www.literatura.mk.
За сите новости поврзани со Хари Потер следете ја страницата на „Фејсбук“ – „Во светот на Хари Потер“ https://www.facebook.com/harrypottermkbooks.
