Детска музичка претстава - „Трите самовили го бараат Дедо мраз“

Опис: „Трите самовили го бараат Дедо мраз“ е музичка претстава за деца од 4 до 10 години. Приказната ги следи трите смешни самовили Муза, Нота и Песна коишто го бараат Дедо мраз за да почнат да ги пакуваат подароците што треба да ги поделат на дечињата од целиот свет. Дедо мраз е постојано блиску до нив, но тие не го гледаат. Муза има волшебно стапче со кое постојано ги задева Нота и Песна. Музичко-сценската претстава е збогатена со музика, новогодишни песни коишто ќе ги изведуваат професионални музичари на сцената на лимени дувачки инструменти, а коишто во претставата ги играат Џуџињата. „Трите самовили го бараат Дедо мраз“ е едукативна, забавна и инспиративна претстава којашто децата ги води низ магична авантура! Настапуваат: Нота - Тина Иванова Муза - Симона Гајдоска Песна - Дијана Илкоска Имери Дедо Мраз на туба - Александар Ниниќ Прво џуџе на тромбон - Бранко Илиевски Второ џуџе на тромбон - Никола Ристевски Прво џуџе на туба - Ник ДеКарло