Датумиран планер - Bee Happy 2025

Што го прави The Daydream Planner посебен? Годишен календар за 2025 и 2026 година; Неработни денови и државни празници за 2025 година; Year-at-a-glance; Ревизија на изминатата година; Годишен Master Plan – бидете храбри во поставувањето на Вашите цели и вредностите кои ќе ги негувате. Целите и чекорите кои треба да ги преземете се поделени во сегменти за поголема прегледност и фокус кон одредено поле; Страници за себеспознавање низ неколку кратки прашања и работите што сакате да ги доживеете оваа година; Библиотека за сопствена нега – нашата добросостојба зависи од баланс помеѓу физичкото, емоционалното и психичкото здравје. Низ активностите на страницата Ве поттикнуваме да ги пронајдете оние кои најдобро функционираат за Вас; Здравствени прегледи – оваа страница нека Ви служи како потсетник за редовно закажување на годишни и рутински здравствени прегледи со корисни информации околу истите; Месечен план (x 12) – Планирање на месечно ниво со поделба на целите во четири сегменти кои го следат Годишниот Master Plan. Следење и поттик кон нови позитивни навики, приказ на месечевите мени , важни датуми и термини, листа за читање и едукација и простор за инспирација и позитивни афирмации; Менаџирање на финансии (x 12) – евиденција на Вашите приходи, трошоци и заштеда на месечно ниво; Неделен приказ (x 53) – страници кои најмногу ќе ги користите за планирање на секој ден. Неделите и деновите се датумирани. Доволно простор за впишување по часови или активности; фокус и приоритети, сегмент за благодарност, причина за прославување, приоритети за следната недела и белешки; Месечна ревизија (x 12) – после секој завршен месец, анализа на месецот и напредокот кон Вашите цели; табела за оценка на различни животни сегменти; 3-месечна ревизија во секој квартал од годината за сумирање на прогресот кон Вашите цели низ неколку важни прашања кои ќе Ве поттикнат да ја насочите енергијата во правилна насока; План за патување (x 4) – две страници кои содржат сѐ за подготвувањето да биде порелаксирано, поорганизирано и повозбудливо. Простор за впечатоците и импресиите штом се вратиме дома како и страница за патувачки дневник; Листи за впишување на Вашите омилени активности низ годината, поделени по тематски области; Белешки – слободен простор за Вашите креативни мисли и мислите во оние денови кога сакате да си напишете сѐ што Ви лежи на срце.