„Која игра ја играш: Силеџија – жртва – сеирџија или другар?“ е психолошки и бихевиорален прирачник што го третира насилништвото меѓу децата во училишната средина. Настанувањето на прирачникот е директно поврзано со сликовницата „Која игра ја играш?“ од младата авторка Олга Ѓоргиева и заедно, прирачникот и сликовницата, формираат неодвоива целина. Овој прирачник е систематичен и напишан на разбирлив начин и може да им помогне на возрасните (на наставниците и на родителите) да го применуваат заедно со децата за постигнување на ненасилна комуникација меѓу врсниците во училиштето.
Проф. д-р Олга Мурџева-Шкариќ (1944) е пензионирана универзитетска професорка по психологија на Филозофскиот факултет (ФЛФ) при Универзитетот „Св. Кирил и Методиј“ во Скопје. Учествува во основањето на Институтот за психологија при ФЛФ во 1974 година. Основоположничка е на научните дисциплини Развојна психологија, Психологија на мирот и трансформирање на конфликтите при УКИМ.